பிரெஞ்சுமொழி - உயிரெழுத்துகளும் மெய்யெழுத்துகளும் (FrenchMoli - French Vowels and Consonants in Tamil)

பிரெஞ்சு மொழி உயிர் எழுத்துக்கள் மெய் எழுத்துக்கள்
ஒரு மனிதனின் உடலும் உயிரும் ஒருங்கே இணைந்து எப்படிச் செயல்படுகின்றதோ, அப்படியே தமிழ்மொழி அரிச்சுவடியில் உள்ள மெய்யெழுத்துகளும் உயிரெழுத்துகளும் ஒருங்கிணைந்து உயிர்மெய் எழுத்துகளைத் தோற்றுவிக்கின்றன. 

அனால், பிரெஞ்சு மொழி அரிச்சுவடியில் தனித்தனியான உயிர்மெய் எழுத்துகள் இல்லை. அதனால் பிரெஞ்சு அரிச்சுவடியில் உள்ள ஒலிகளை "les syllabes" எனத் தனியாகக் கற்க வேண்டும். அவற்றை எதிர்வரும் பாடங்களில் விரிவாகவும் விளக்கத்துடனும் பார்க்கலாம்.

இன்றைய பாடத்தில் பிரெஞ்சு அரிச்சுவடியில் உள்ள எழுத்துகளின் ஒலிப்புகளை மட்டும் பார்ப்போம்.

பிரெஞ்சுமொழி அரிச்சுவடியில் (ஆங்கில அரிச்சுவடி போன்றே) மொத்தம் 26 எழுத்துகள் உள்ளன. அவற்றில் 6 உயிர் எழுத்துகளும் 20 மெய்யெழுத்துகளும் உள்ளடங்கும்.  

பிரெஞ்சு மொழியில் உயிரெழுத்துகளை "லே வொயல்" (Les Voyelles) என்பர். உயிரெழுத்துகள் 6 உள்ளன. அவற்றைக் கீழே பார்க்கவும். உயிரெழுத்துகளின் ஒலிப்புகள் தமிழில் எழுதிக்காட்டப்பட்டுள்ளன.

பிரெஞ்சு உயிரெழுத்துகள் (Les Voyelles)

  • A = அ

  • E = ஹு 

  • I  =  ஈ 

  • O = ஓ

  • U = ஊ

  • Y = இ-கிரெக் (அரை உயிரெழுத்து (La-semi voyelle)) என்பர்.

குறிப்பு: ஆங்கிலத்தில் போன்றே பிரெஞ்சிலும் அதே 5 உயிரெழுத்துகளே உள்ளன; என்றாலும்; 'y' எழுத்தை ஒரு அரை-உயிரெழுத்தாகக் (semi-vowel) கொள்வதனால் அதனையும் சேர்த்து பிரெஞ்சில் மொத்தம் 6 உயிரெழுத்துகள் ஆகும்.

பிரெஞ்சு மெய்யெழுத்துகள் (Les Consonnes)

பிரெஞ்சு மொழியில் மெய்யெழுத்துகளை "லே கொன்சோன்" (Les Consonnes) என்பர். பிரெஞ்சுமொழியில்  மொத்தம் 20 மெய்யெழுத்துகள் ஆகும். இவ்வெழுத்துகளின் ஒலிப்பு வடிவம் தமிழ் எழுத்துகளில் எழுதிக்காட்டப்பட்டுள்ளன.

  • B = bபே

  • C = சே

  • D = dதே

  • F = எfப்

  • G = ஜே (J)

  • H = ஆஷ்

  • J = ஜி (G)

  • K = க

  • L = எல்

  • M = எம்

  • N = என்

  • P = பே

  • Q = கிவ்

  • R = ஏர்

  • S = எஸ்

  • T = த்தே

  • V = வே

  • W = துபுளு-வே

  • X = இக்ஸ்

  • Z = செzத்

குறிப்பு: 'y' எழுத்தை ஒரு அரை உயிரெழுத்தாகக் கொள்வதனால் 6 உயிரெழுத்துகள் தவிர்ந்த, மிகுதி 20 எழுத்துகளுமே மெய்யெழுத்துகள் ஆகும். 


இந்தப் பாடத்தில் வழங்கப்பட்டுள்ள பிரெஞ்சு மொழியின் உயிரெழுத்துகளின் ஒலிப்புகளையும் மெய்யெழுத்துகளின் ஒலிப்புகளையும் மனதில் பதியும் வகையில் பாடமாக்கிக்கொள்ளுங்கள்.


எதிர்வரும் பாடங்களில் பிரெஞ்சு எழுத்துகளின் அசைகள் (les syllabes) பற்றிப் பார்ப்போம்.


நன்றி!


அன்புடன் 

ச. தங்கவடிவேல், பிரான்சு

_ _ _

பி.கு.: கீழுள்ள ஐகொன்களைச் சொடுக்கி, எமது சமூக வலைப்பக்கங்களான: முகநூல் | இன்சுடாகிராம் | டுவிட்டர் | பின்டரசுட் | லின்கிடின் போன்றவற்றின் ஊடாகவும் எம்முடம் இணைந்துகொள்ளலாம்.

        

Comments

Post a Comment

Popular posts from this blog

பிரெஞ்சு எண்கள் 1 - 100 (French Numbers 1 - 100 in Tamil)

Image
வணக்கம் உறவுகளே!  இந்தப் பிரெஞ்சுமொழி பாடத்தில், பிரெஞ்சு எண்களை 1 முதல் 100 வரை எப்படி எண்ண வேண்டும் என்று பார்ப்போம். பிரெஞ்சு மொழியில் எண்களை ' லெ நொம்bப்ர' (Les nombres) என்றழைப்பர். உங்கள் ஒலிப்புப் (உச்சரிப்பு) பயிற்சிக்காக, ஒவ்வொரு பிரெஞ்சு எண்ணினதும் ஒலிப்பு வடிவம் தமிழ் எழுத்துக்களில் எழுதிக்காட்டப்பட்டுள்ளது. இருப்பினும் தமிழ் எழுத்துக்கள் கொண்டு பிரெஞ்சு மொழிச் சொற்களை அல்லது பிரெஞ்சு மொழியின் ஒலிகளைத் துல்லியமாக எழுதிக்காட்டுதல் என்பது பெரும்பாலும் சாத்தியமானதல்ல. அதேவேளை பிரெஞ்சு எண்களின் ஒலிகளை எழுத்துவடிவில் எழுதிக் காட்டாமல், எவரும் எமது மொழிக் குடும்பத்துடன் தொடர்பில்லாத ஒரு ஐரோப்பிய மொழிக் குடும்பத்தைச் சேர்ந்த, பிரெஞ்சு மொழியின் ஒலிப்புமுறைமையை எளிதாகக் கற்கவும் இயலாது. எனவே முடிந்தவரை எளிதாகக் கற்பதற்குத் தமிழ் எழுத்துக்களால் எழுதிக்காட்டப்பட்டுள்ளன என்பதைக் கருத்தில் கொள்க. அதேவேளை தமிழ்த் தவிர்ந்த ஆங்கில எழுத்துக்களும் தமிழில் புழங்கும் கிரந்த எழுத்துக்களும் இடையிடையே பயன்படுத்தப்பட்டுள்ளன என்பதையும் கருத்தில் கொள்ளவும். கவனிக்கவும்: இன்னொன்றையும் நினைவில...
Read more

பிரெஞ்சு கிழமை நாட்கள் (French Days of the Week in Tamil)

Image
வணக்கம் உறவுகளே!  இன்று நாம் இந்தப் பிரஞ்சுமொழி பாடத்தில், பிரெஞ்சு மொழியில் எப்படி கிழமை நாட்களைக் கூறுவது என்று பார்ப்போம். பிரெஞ்சு மொழியைக் கற்கும் நாம் முதலில் பிரெஞ்சு மொழியின் அடிப்படை சொற்களை அறிந்துவைத்துக் கொள்ள வேண்டும். பிரெஞ்சு மொழியின் கிழமை நாட்களின் பெயர்களையும் அவற்றை எப்படிப் பிரெஞ்சில் ஒலிப்பது என்பதையும் கட்டாயம் அறிந்து வைத்துக்கொள்ளுதல் மிகவும் பயனுள்ளதாகும்.  "கிழமையின் நாட்கள்" என்பதைப் பிரெஞ்சு மொழியில் “Les jours de la semaine” என்பர். பிரெஞ்சுக் கிழமை நாட்களின், பிரெஞ்சு ஒலிப்பை எளிதாகப் பெற்றுக்கொள்ளும் வகையில், அவற்றைக் கீழே நீல நிறத்தில் வேறுபடுத்திக் காட்டப்பட்டுள்ளன. அதேவேளை அவற்றை தமிழ் எழுத்துக்களில் மட்டுமே எழுதிக் காட்ட முடியாது என்பதால், தமிழில் புழங்கும் கிரந்த எழுத்துக்களையும், உரோமன் எழுத்துக்களையும் கலந்து எழுதிக்காட்டப்பட்டுள்ளன என்பதையும் கருத்தில் கொள்க. பிரெஞ்சு பிரெஞ்சு ஒலிப்பு தமிழ் Lundi லந்தி திங்கள் Mardi மர்dதி செவ்வாய் Mercredi மெர்கிறdதி புதன் Jeudi ஜுdதி வியாழன் Vendredi வோந்திறdதி வெள்ளி Samdi சம்dதி சனி Dimanche dதிமோஷ் ...
Read more

பிரெஞ்சு எண்கள் 0 இருந்து 1,000,000,000 வரை (French Numbers in a Different Order : 0 - 1,000,000,000)

Image
Les nombres de 0 à 1 000 000 000 வணக்கம், உறவுகளே!  நாம் ஏற்கெனவே பிரெஞ்சு எண்கள் 1 முதல் இருந்து 100 வரை எப்படி எண்ண வேண்டும் என்பதைப் பார்த்தோம். ஆனால் இந்தப் பதிவில் சற்று வேறுபட்ட வகையில் எண்களை எப்படி எண்ணலாம் என்பதைப் பார்க்கப் போகிறோம்.  அதாவது, ஒன்று, இரண்டு, மூன்று எனும் வரிசைப்படி அல்லாமல், சுழியம், பத்து, இருபது, முப்பது எனும் வரிசையில்.  அதுமட்டுமல்ல; நூறுக்குப் பிறகு, ஆயிரம், பத்தாயிரம், இலட்சம் எனக் கடைசியாக ஒரு மில்லியாட் வரையும், பிரெஞ்சு மொழியில் எண்களை எப்படி எண்ண வேண்டும் என்பதைப் பார்ப்போம்.  குறிப்பு-1: எண்களைப் பிரெஞ்சில் ஒலிக்கும் போது, அவைக்கான தமிழ் ஒலிப்பு வடிவம் தமிழில் எழுதிக்காட்டப்பட்டுள்ளன. அப்போது, சிலவிடங்களில் உரோமன் எழுத்துகளும் தமிழில் புழங்கும் கிரந்த எழுத்துகளும் பயன்படுத்தப்பட்டுள்ளன என்பதைக் கவனத்தில் கொள்ளவும். குறிப்பு-2: பிரெஞ்சு மொழியின் எண்களை இலக்கங்களால் எழுதுவதானாலும் சரி, எழுத்துகளால் எழுதுவதானாலும் சரி, ஒப்பீட்டளவில் ஏனைய மொழிகளைவிட மிகவும் சிக்கலானவை. இச்சிக்கலைத் தீர்க்கும் வகையில் விளக்கங்கள் வழங்கப்பட்டுள்ளன. அவ...
Read more