Welcome to FrenchMoli! - பிரெஞ்சுமொழி வலைத்தளத்துக்கு நல்வரவு!

பிரெஞ்சு மொழி கற்போம்!
 
வணக்கம், வாருங்கள்! Bienvenue en Frenchmoli !

புதிதாகத் துவங்கப்பட்டுள்ள இந்தப் பிரெஞ்சுமொழி (FRENCHMOLI) வலைத்தளத்திற்கு வருகைத் தந்திருக்கும் உங்களை வரவேற்பதில் மகிழ்ச்சி!
  • நீங்கள் பிரான்சுக்குப் புதிதாக வந்தவராக இருக்கலாம்.
  • பிரான்சுக்கு வந்து ஒரு குறிப்பிட்ட காலமாகியும் பிரெஞ்சு மொழியைக் கற்கும் வாய்ப்பு அல்லது நேரம் கிட்டாதவராகவும் இருக்கலாம்.
  • பிரான்சின் வதிவிடவுரிமை அல்லது குடியுரிமை போன்ற நிலையை எட்டுவதற்குப் பிரான்சு அரசு கோரும் A1, A2, B1 போன்ற பிரெஞ்சுமொழித் தகமையைப் பெறுவதற்காகப் பிரெஞ்சு கற்றுக்கொண்டிருப்பவராகவும் இருக்கலாம்.
  • பிரெஞ்சு மொழியைக் கற்று, கல்வித் தகமைகளுடன், பிரான்சில் கல்வி வீசா அல்லது தொழில் வீசா பெறுவதற்கான முயற்சியில் உள்ளவராகவும் இருக்கலாம்.
  • பிரான்சு நாட்டிற்கு வரும் நோக்கம் அல்லது அம்முயற்சியில் பிரெஞ்சு கற்கும் முனைப்பில் உள்ளவராகவும் இருக்கலாம்.
  • பிரெஞ்சு கற்றிருப்பினும், அதனை மேலும் மேம்படுத்திக்கொள்ளும் நோக்குடையவராகவும் இருக்கலாம்.
எதுவானாலும் பரவாயில்லை, இதோ இது உங்களுக்கான தளம்!
இந்தப் பிரெஞ்சுமொழி வலைத்தளத்தில், பிரெஞ்சு அரிச்சுவடி முதல் பிரெஞ்சு இலக்கணம் வரை அனைத்துப் பாடங்களும் முற்றிலும் இலவசமாக  வழங்கப்படுகிறது.

நீங்கள் செய்ய வேண்டியது, இந்தப் பிரெஞ்சு மொழி வலைத்தளத்தைத் தொடர்ந்து பின்தொடர்வதும் இத்தளத்தில் வழங்கும் பாடங்களைக் கற்பதும் ஆகும்.
விரும்புவோர் எந்த வயதினரானாலும் இணைந்துக் கொள்ளலாம். முழுமையான தமிழ் விளக்கத்துடன் பிரெஞ்சுப் பாடப் பயிற்சிகள்!
அதுமட்டுமன்றி, பிரான்சின் வரலாறு, பிரெஞ்சுப் புரட்சி, பிரான்சு மற்றும் பிரெஞ்சு மொழித் தொடர்பான சிறப்பாக்கங்கள் எனப் பல்வேறு விடயங்களையும் நீங்கள் இத்தளத்தில் எதிர்பார்க்கலாம்.

உங்கள் பங்களிப்பு:

FrenchMoli - Welcome Page
Welcome and Explore the FrenchMoli Lessons!
அன்புக்குறிய உறவுகளே! இந்த இணைய வழி பிரெஞ்சுப் பாடங்கள், ஒரு தன்னார்வ முயற்சியில் நம் சமூக நலஞ்சார் நோக்கின் முன்னெடுப்பாகும். இம்முயற்சி எந்தளவிற்குப் பயனுள்ளது என்பதை நீங்கள் தான் கூறவேண்டும். இங்கே வழங்கப்படும் பாடங்கள் பயனுள்ளவை எனக் கருதினால், இத்தளத்தை உங்கள் உறவினர்கள், நண்பர்கள், மற்றும் பிரெஞ்சு கற்கும் ஆர்வலர்கள் என அனைவரிடம் பகிருங்கள். அது எமது முயற்சிக்கு நீங்கள் வழங்கும் உந்து சக்தியாகவும் அதேநேரம் பிரெஞ்சு கற்க விரும்பும் யாரேனும் ஒருவருக்கு நீங்களும் உதவியதாக  இருக்கும்.

நன்றி!

அன்புடன்
ச. தங்கவடிவேல், பிரான்சு

பி.கு.: கீழுள்ள ஐகொன்களைச் சொடுக்கி, எமது சமூக வலைப்பக்கங்களான: முகநூல் | இன்சுடாகிராம் | டுவிட்டர் | பின்டரசுட் | லின்கிடின் போன்றவற்றின் ஊடாகவும் எம்முடம் இணைந்துக்கொள்ளலாம். எமது முகநூல் பக்கத்தில் "இன்று ஒரு சொல்" எனும் பகுதியில் ஒவ்வொரு நாளும் ஒவ்வொரு பிரெஞ்சுச் சொல் வழங்கப்படுகிறது. அப்பக்கத்தைப் பின்தொடர்ந்து உங்கள் பிரெஞ்சு சொல்வளத்தைப் பெருக்கியும் கொள்ளலாம்.

        
Location: France

Comments

  1. AviatorMay 30, 2022 at 7:16 AM

    உங்களின் மின்னஞ்சல் முகவரியை அனுப்புங்கள்.

    ReplyDelete

Post a Comment

Popular posts from this blog

பிரெஞ்சு எண்கள் 1 - 100 (French Numbers 1 - 100 in Tamil)

Image
வணக்கம் உறவுகளே!  இந்தப் பிரெஞ்சுமொழி பாடத்தில், பிரெஞ்சு எண்களை 1 முதல் 100 வரை எப்படி எண்ண வேண்டும் என்று பார்ப்போம். பிரெஞ்சு மொழியில் எண்களை ' லெ நொம்bப்ர' (Les nombres) என்றழைப்பர். உங்கள் ஒலிப்புப் (உச்சரிப்பு) பயிற்சிக்காக, ஒவ்வொரு பிரெஞ்சு எண்ணினதும் ஒலிப்பு வடிவம் தமிழ் எழுத்துக்களில் எழுதிக்காட்டப்பட்டுள்ளது. இருப்பினும் தமிழ் எழுத்துக்கள் கொண்டு பிரெஞ்சு மொழிச் சொற்களை அல்லது பிரெஞ்சு மொழியின் ஒலிகளைத் துல்லியமாக எழுதிக்காட்டுதல் என்பது பெரும்பாலும் சாத்தியமானதல்ல. அதேவேளை பிரெஞ்சு எண்களின் ஒலிகளை எழுத்துவடிவில் எழுதிக் காட்டாமல், எவரும் எமது மொழிக் குடும்பத்துடன் தொடர்பில்லாத ஒரு ஐரோப்பிய மொழிக் குடும்பத்தைச் சேர்ந்த, பிரெஞ்சு மொழியின் ஒலிப்புமுறைமையை எளிதாகக் கற்கவும் இயலாது. எனவே முடிந்தவரை எளிதாகக் கற்பதற்குத் தமிழ் எழுத்துக்களால் எழுதிக்காட்டப்பட்டுள்ளன என்பதைக் கருத்தில் கொள்க. அதேவேளை தமிழ்த் தவிர்ந்த ஆங்கில எழுத்துக்களும் தமிழில் புழங்கும் கிரந்த எழுத்துக்களும் இடையிடையே பயன்படுத்தப்பட்டுள்ளன என்பதையும் கருத்தில் கொள்ளவும். கவனிக்கவும்: இன்னொன்றையும் நினைவில...
Read more

பிரெஞ்சு கிழமை நாட்கள் (French Days of the Week in Tamil)

Image
வணக்கம் உறவுகளே!  இன்று நாம் இந்தப் பிரஞ்சுமொழி பாடத்தில், பிரெஞ்சு மொழியில் எப்படி கிழமை நாட்களைக் கூறுவது என்று பார்ப்போம். பிரெஞ்சு மொழியைக் கற்கும் நாம் முதலில் பிரெஞ்சு மொழியின் அடிப்படை சொற்களை அறிந்துவைத்துக் கொள்ள வேண்டும். பிரெஞ்சு மொழியின் கிழமை நாட்களின் பெயர்களையும் அவற்றை எப்படிப் பிரெஞ்சில் ஒலிப்பது என்பதையும் கட்டாயம் அறிந்து வைத்துக்கொள்ளுதல் மிகவும் பயனுள்ளதாகும்.  "கிழமையின் நாட்கள்" என்பதைப் பிரெஞ்சு மொழியில் “Les jours de la semaine” என்பர். பிரெஞ்சுக் கிழமை நாட்களின், பிரெஞ்சு ஒலிப்பை எளிதாகப் பெற்றுக்கொள்ளும் வகையில், அவற்றைக் கீழே நீல நிறத்தில் வேறுபடுத்திக் காட்டப்பட்டுள்ளன. அதேவேளை அவற்றை தமிழ் எழுத்துக்களில் மட்டுமே எழுதிக் காட்ட முடியாது என்பதால், தமிழில் புழங்கும் கிரந்த எழுத்துக்களையும், உரோமன் எழுத்துக்களையும் கலந்து எழுதிக்காட்டப்பட்டுள்ளன என்பதையும் கருத்தில் கொள்க. பிரெஞ்சு பிரெஞ்சு ஒலிப்பு தமிழ் Lundi லந்தி திங்கள் Mardi மர்dதி செவ்வாய் Mercredi மெர்கிறdதி புதன் Jeudi ஜுdதி வியாழன் Vendredi வோந்திறdதி வெள்ளி Samdi சம்dதி சனி Dimanche dதிமோஷ் ...
Read more

பிரெஞ்சு எண்கள் 0 இருந்து 1,000,000,000 வரை (French Numbers in a Different Order : 0 - 1,000,000,000)

Image
Les nombres de 0 à 1 000 000 000 வணக்கம், உறவுகளே!  நாம் ஏற்கெனவே பிரெஞ்சு எண்கள் 1 முதல் இருந்து 100 வரை எப்படி எண்ண வேண்டும் என்பதைப் பார்த்தோம். ஆனால் இந்தப் பதிவில் சற்று வேறுபட்ட வகையில் எண்களை எப்படி எண்ணலாம் என்பதைப் பார்க்கப் போகிறோம்.  அதாவது, ஒன்று, இரண்டு, மூன்று எனும் வரிசைப்படி அல்லாமல், சுழியம், பத்து, இருபது, முப்பது எனும் வரிசையில்.  அதுமட்டுமல்ல; நூறுக்குப் பிறகு, ஆயிரம், பத்தாயிரம், இலட்சம் எனக் கடைசியாக ஒரு மில்லியாட் வரையும், பிரெஞ்சு மொழியில் எண்களை எப்படி எண்ண வேண்டும் என்பதைப் பார்ப்போம்.  குறிப்பு-1: எண்களைப் பிரெஞ்சில் ஒலிக்கும் போது, அவைக்கான தமிழ் ஒலிப்பு வடிவம் தமிழில் எழுதிக்காட்டப்பட்டுள்ளன. அப்போது, சிலவிடங்களில் உரோமன் எழுத்துகளும் தமிழில் புழங்கும் கிரந்த எழுத்துகளும் பயன்படுத்தப்பட்டுள்ளன என்பதைக் கவனத்தில் கொள்ளவும். குறிப்பு-2: பிரெஞ்சு மொழியின் எண்களை இலக்கங்களால் எழுதுவதானாலும் சரி, எழுத்துகளால் எழுதுவதானாலும் சரி, ஒப்பீட்டளவில் ஏனைய மொழிகளைவிட மிகவும் சிக்கலானவை. இச்சிக்கலைத் தீர்க்கும் வகையில் விளக்கங்கள் வழங்கப்பட்டுள்ளன. அவ...
Read more